Crocus laevigatus blomstrar normalt i slutten av desember til ut i januar. "Problemet" med denne er det dårlege veret. Dette året har eg ikkje fått sett blomane utsprunge, då dei bare opnar seg i sol - noko som det har vert lite av denne vinteren. Nå synger dei på siste verset, men fine har dei vert sjølv om dei ikkje har opna seg.
Nokre planter er nesten finast utan blomster på grunn av dei har så fint bladverk. Alpefiol, Cyclamen hederifolium, hamner ikkje heilt i den kategorien då den i tillegg til det flotte marmorerte bladverket også har fantastisk flotte blomster. Eg kjem tilbake med bilete av dei når den blomstrar ein gang i november (!). Alpefiolen har ein uvanlig livssyklus, då den er grøn om vinteren, nedvisna om sommaren og blomstrar på hausten. Dette er ein tilpassing til det dei tørre somrane som er i middelshavslanda der den opphavleg kjem frå.
Eg er spesielt spent på blåveisane i år, då eg fekk fleire nye sortar i løpet av sommaren 2007. Kikkar på dei med jamne mellomrom for å sjå om det er liv i dei - og det er det :-)
Var ute ein tur for å sjå kva som blomstra og var på veg opp jorda i hagen. Faktisk var det fleire artar som blomstra, men denne Primulaen var kanskje den største overraskinga. Det er ikkje så uvanleg at Primulaen blomstrar med enkeltblomster gjennom nesten heile året, men det er første gang eg har sett denne varianten med blomst i januar :-)
